My Self

sultan black



Sultan Singh ‘Jivan’

[ DCOE, DCH, BBA, MA(psychology), MA(Sociology) ]



               

                મારું નામ સુલતાન સિંહ… ખરેખર તો મારે નામ કહેવાની જરૂર નથી, તમે પ્રોફાઈલમાં વાંચી શકો છો. દરેક કાર્ય પાછળ કોઈ મહત્વનું તત્વ હોય છે એમ અહી પણ છે, મારું નામ મારું મોસ્ટ ફેવરેટ છે. કારણ કે એમાં ધર્મનિરપેક્ષતા છે, અને એનાથીયે વધુ એટલે કે એ મારા જીવનના સોઉથી બેસ્ટેસ્ટ આચાર્ય અને માર્ગદર્શક એવા મારા પિતાશ્રીએ આપેલું છે.

            હું વિચિત્ર ભણતરની હરોળમાં ફરી ચુક્યો છું. કોમર્શ, કોમ્પ્યુટર અને મેનેજમેન્ટની ગલીયોમાં રખડ્યા બાદ હવે મનોવિજ્ઞાન અને સમાજશાસ્રની શેરીઓમાં પણ પ્રવેશી ચુક્યો છું. મારું ધ્યેય કદાચ અનિશ્ચિત છે પણ મારા સપના આભને આંબવા જેવા વિશાળ અને સાગરની ગહેરાઈને પણ પાર કરે એવા ગહન છે. મને વાંચનનો ખુબ જ શોખ છે, અને એથીયે વધુ નિરીક્ષણનો ગાંડો શોખ પણ ખરો… કદાચ આ સૃષ્ટિની વિચિત્ર માયામાં હું એક દર્શક જેવો છું. પુસ્તક પ્રેમી પણ કહી શકો અને વિરક્તિ ચિંતક પણ. આખી દુનિયાના કરોડો પુસ્તકોમાં મારી પસંદગી પૂછવામાં આવે તો ફક્ત એક અને માત્ર એક “શ્રીમદ ભગવત ગીતા” એનો જવાબ હશે. મેં અઢળક વાર આ પુસ્તક વાંચ્યું છે. ન તો એટલે કે હું મારા હિંદુ હોવાની કે આસ્તિક હોવાની શાબીતી આપી શકું. દુનિયા માટે તો હું નાસ્તિક છું અને કદાચ મરતે દમ તક રહેવાનો જ. મેં અઢળક વાર એ વાંચી હશે તેમાંથી જીવનના પાઠ શીખતો રહ્યો છું, કદાચ વિચિત્ર પ્રકારે શીખ્યો છું. એટલેજ હું એક વિચિત્ર વ્યક્તિ છું. મને નવું શીખવાનો શોખ છે. દરેક પળમાં, દરેક પરિસ્થિતિમાં, અને અથડાતા, ભટકાતા સજીવ જીવોમાંથી પણ કઈક શીખું છુ. મિત્રતા બનાવવામાં અને નિભાવવાનો પણ શોખ ખારો જ. સાધારણ રીતે મારે આવુજ હોવું પણ જોઈએ હું સૌના માટે છું તેમ સૌ મારા માટે પણ છે જ. અનેહું તેમ છતાય સૌનો હોવા છતાં કોઈનો નથી.

                  નાનપણથી લેખનની ઇચ્છાઓ હતી, પણ એ સળગતું સપનું મારી ઓગણીસ વર્ષ પછીની ઉમરમાં સમજાયું. જયારે, ગીતા વંચાઈ. અને જયારે મને પ્રેમ સમજાયો, કદાચ ત્યારેજ હું મારી આત્માને ચાહી બેઠો. કદાચ મને મારી જીત સાથે સબંધ જોડવામાં જ આ ૧૯ વર્ષ થયા, અથવા વીતી ગયા. બધા જ બંધનો હવે ભુલાઈ ગયા, અને મારો પ્રેમ મારામાંથી જ મને મળી ગયો. છેવટે ૨૦૧૦ થી મેં લખવાની શરૂઆત કરી હતી, સામે દુર્યોધનની વિશાળ સેના હતી પણ મારી સાથે જાણે ગીતા જ્ઞાન રૂપે કૃષ્ણ જેવો સારથી હતો, અને એના સાથે ઘણું ખરું મેં કાગળ પર લખી નાખ્યું અથવા લખાઈ ગયું. ઘણું અઘરું છતાં ગજબની ઇચ્છાઓની શક્તિ વડે પૂરું થયું. હવે પેન હાથમાં હોય એટલે રોકાતી જ નથી, એતો આ મારા વિશેના લેખ પરથીજ સમજાતું હશે કદાચ અને આજ શોખ મને અહી સુધી લાવ્યો હશે. મારા વાચકો અને બધાજ મારા મિત્ર એવા લેખકોને પણ જેમણે મને અને મારી પ્રતિભાને પ્રોત્સાહન પૂરું પાડ્યું, અને સારો એવો પ્રતિસાદ આપ્યો. આજે એક ઓળખાણ જે મારા જેવા નાના લખતા માણસ માટે પુરસ્કાર સ્વરૂપે મળેલી ભેટ છે.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s