૩૧૬. જિંદગીની રમત
———————————————
દરેક પળોને અહીં આનંદથી માણવાની છે,
જીવનની આખર આ કહાની જાણવાની છે,
કોણ કહે છે, કુદરત જ કરે છે ખેલ નીરાલા,
સર્જનહાર સાથે પણ ચેલેન્જ મારવાની છે,
મોત પણ આ સૃષ્ટિનું છેલ્લું સ્થાન તો નથી,
છતાંય એને જ મંજીલ હવે તો ધારવાની છે,
ખુશી મળે અને જીવતા હોવું જરૂરી તો નથી,
દુઃખની વેદના પણ આનંદમાં ગાળવાની છે,
ક્યાં દુશ્મનો સાથે મેદાને ઉતરવું જ છે હવે,
અંગત લોકો સાથે પણ મજા હારવાની છે,
અસફળતાનો આ કેવો ચારણીઓ ખેલ છે,
સફળતા આપણે જેમાં જાતે ચાળવાની છે,
~ સુલતાન સિંહ ‘જીવન’
( ૧૦:૦૨ રાત્રે, ૯ જાન્યુ. ૨૦૧૭ )
———————————————
© Poem No. 316
Language – Gujrati
———————————————
Advertisements
